Binance ndalon përdorimin e rublës – Vendimi hyn në fuqi më 31 janar 2024

Njerëzit që ende duan të tregtojnë kriptovaluta duke përdorur rubla ruse do të duhet të kalojnë në platformën Comm EX, e cila në shtator bleu të gjithë biznesin e Binance në Federatën Ruse. Klientët e platformës së shkëmbimit të kriptove Binance mund të tërheqin fondet e tyre në rubla deri në ditën e fundit të janarit 2024.

Në fakt platforma më e madhe në botë e shkëmbimit të kriptomonedhave, Binance, tha se nuk do të mbështesë më tregtimin me rublën ruse duke filluar nga janari, pasi kompania vazhdon të tërhiqet gradualisht nga Rusia.

Binance tha se përdoruesit mund të zgjedhin të tërheqin rublat e tyre nëpërmjet partnerëve të tij fiat, t’i konvertojnë ato në kriptomonedhë ose t’i tregtojnë në tregun e Binance Sport përpara afatit të 31 janarit.

Binance kishte paralajmëruar më parë se do të ndërpriste tërheqjet e rublave në janar. Kur njoftoi daljen e saj në shtator, Binance tha se i shiti operacionet e saj me bazë në Rusi një burse të sapokrijuar të quajtur CommEX për një shumë të pazbuluar.

Binance siguroi klientët e saj rusë se asetet e tyre ishin “të mbrojtura në mënyrë të sigurt” pasi parashikonte një tranzicion që do të zgjaste deri në një vit nga shpallja. Qytetarët rusë janë kthyer gjithnjë e më shumë në përdorimin e shkëmbimeve të kriptove pasi sanksionet perëndimore ndërprenë bankat ruse nga rrjetet globale të pagesave.

Binance filloi të vendoste kufizime graduale ndaj përdoruesve me bazë në Rusi, pas raportimeve të mediave në lidhje me një hetim të Departamentit të Drejtësisë të SHBA-së për shkeljen e mundshme të sanksioneve të kompanisë kundër Moskës.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.