Bitcoin regjistron një tjetër rekord – Ngjitet në mbi 45,000 dollarë, për herë të parë që nga prilli 2022

Bitcoin arriti mbi 45,000 dollarë të martën për herë të parë që nga prilli 2022, ndërsa kriptomonedha më e madhe në botë filloi Vitin e Ri me një tjetër optimizëm.

Bitcoin arriti në majat e 21 muajve prej 45,532 dollarësh, duke fituar 156% në performancën e tij më të fortë vjetore që nga viti 2020. Për herë të fundit bitcoin u rrit me 2,5% në 45,318 dollarë, por mbetet shumë larg nivelit rekord prej 69,000 dollarësh që arriti në nëntor 2021.

Ether, monedha e lidhur me rrjetin e blockchain ethereum, ishte 1.45% më e lartë në 2,386 dollarë të martën, duke u rritur me 91% në vitin 2023.

Fokusi i investitorëve ka qenë tek rregullatori i letrave me vlerë të SHBA-së do të miratojë së shpejti një fond të tregtueshëm në bursë të bitcoin-it, i cili do të hapte tregun e kësaj kriptoje për miliona investitorë të tjerë dhe do të tërheqë miliarda investime.

Komisioni Amerikan i Letrave me Vlerë dhe Shkëmbimeve ka refuzuar aplikime të shumta për të lançuar fond të tregtueshëm në bursë spot të bitcoin në vitet e fundit, duke argumentuar se tregu i kriptomonedhave është i prekshëm nga manipulimi.

Megjithatë, në muajt e fundit ka pasur shenja në rritje që rregullatorët janë të përgatitur të nënshkruajnë të paktën disa nga 13 fonde të tregtueshme në bursë të propozuara të bitcoin spot, me pritjet se vendimi ka të ngjarë të miratohet në fillim të janarit.

Por, analistët e tregut paralajmërojnë se reagimi ndaj një refuzimi të mundshëm të miratimit do të regjistronte një rënie të menjëhershme të bitcoin-it.

Rritja e basteve se bankat kryesore qendrore do të ulin normat e interesit këtë vit kanë qenë gjithashtu një ndihmë për kriptovalutat, duke ndihmuar në tejkalimin e momenteve të “errëta” që u vendos mbi tregjet e kriptove pas rënies së FTX dhe dështimeve të tjera të kripto-biznesit në 2022.

Dorian Koça / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.