Burimet e rinovueshme nuk “ndërhynë” tek karburantet – Të dhënat e vitit 2022 konfirmojnë ruajtjen e ekuilibrave

Kërkesa globale për energji u rrit me 1% vitin e kaluar dhe rritja rekord e burimeve të rinovueshme nuk bëri asgjë për të zhvendosur dominimin e lëndëve djegëse fosile, të cilat ende përbënin 82% të furnizimit, tsipas të dhënave më të fundit të raportit statistikor të industrisë për energjinë botërore.

Viti i kaluar u karakterizua nga trazira në tregjet e energjisë pas pushtimit rus të Ukrainës, që shkaktoi rritjen e çmimeve të gazit dhe qymyrit në nivele rekord në Europë dhe Azi.

‘Udhëheqja’ në treg e naftës, gazit dhe produkteve të qymyrit në mbulimin e shumicës së kërkesës për energji u çimentua në vitin 2022, pavarësisht rritjes më të madhe ndonjëherë në kapacitetin e burimeve të rinovueshme në një 266 gigavat të kombinuara, me rritjen e energjisë së erës nga dielli, thuhet ndër të tjera në raport.

Presidenti i Institutit të Energjisë në industrinë globale me bazë në Mbretërinë e Bashkuar u shpreh se pavarësisht rritjes së mëtejshme të fortë të erës dhe diellit në sektorin e energjisë, emetimet e përgjithshme globale të gazeve serrë të lidhura me energjinë u rritën përsëri. Ai theksoi se ende po shkohet në një anë të kundërt me atë që kërkohet nga Marrëveshja e Parisit.

Raporti vjetor, një pikë referimi për industrinë, u publikua për herë të parë nga Instituti i Energjisë së bashku me konsulentët KPMG dhe Kearny.

Shkencëtarët thonë se bota duhet të zvogëlojë emetimet e gazeve serrë me rreth 43% deri në vitin 2030 nga nivelet e vitit 2019 për të pasur ndonjë shpresë për të përmbushur objektivin e Marrëveshjes Ndërkombëtare të Parisit për të mbajtur ngrohjen nën 2 gradë celcius mbi nivelet para-industriale.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.