Eurozonë, ngadalësim i mprehtë i rritjes së kreditimit – Gjermania, vendi që regjistron situatën më kritike

Normat e larta të interesit do të ruajnë një kufi mbi ritmin e huadhënies bankare në Europë këtë vit dhe vitin e ardhshëm, me një ngadalësim të veçantë të rritjes në Gjermani pasi kërkesa për kredi zvogëlohet, sipas një studimi.

Kredia për bizneset dhe familjet në Eurozonë do të zgjerohet 2.1% në 2023 – shin dhe 1.7% në 2024 – ën, duke shënuar një rritje të heshtur pas një niveli maksimal 14-vjeçar prej 5% në 2022 – shin.

Banka Qendrore Europiane filloi të rrisë normat e interesit vitin e kaluar në përgjigje të inflacionit më të lartë prej dekadash, me një lëvizje të fundit në normën e saj bazë në nivelin më të lartë të 22 viteve. Por gjithashtu janë dhënë sinjale të qarta se priten rritje të mëtejshme në të ardhmen. Ndërkohë, eurozona u zhyt në recesion në fillim të këtij viti.

Në studim thuhet se ndërsa rënia pritet të jetë shumë e cekët dhe jetëshkurtër, tregjet europiane vazhdojnë të përballen me inflacion të lartë dhe një rritje të paprecedentë të normave të interesit. Si rezultat, vëllimet e kreditimit pritet të sfidohen nga rënia e kërkesës për kredi, të paktën për dy vitet e ardhshme.

Ngadalësimi në Gjermani, ekonomia më e madhe e rajonit, parashikohej të ishte veçanërisht i theksuar, me rritje prej 2.8% në 2023 – shin dhe 0.3% në 2024 – ën, një rënie e madhe nga 6.9% në 2022 – shin.

Huadhënia hipotekore është një fushë e veçantë dobësie, ku kreditimi pritet të rritet me 1.4% në 2023 – shin, nga 4.9% në 2022 – shin. Sondazhi i fundit i BQE-së për kreditimin, i publikuar në maj, zbuloi gjithashtu se rritja e kreditimit për bizneset dhe familjet u ngadalësua.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.