Fitorja e konservatorëve në Greqi – Çfarë nënkupton kjo për vendin?

Partia konservatore Demokracia e Re e Greqisë arriti të fitojë në zgjedhjet parlamentare me votuesit që i dhanë reformistit Kyriakos Mitsotakis një mandat tjetër katërvjeçar si kryeministër. Me 91% të votave të numëruara, Demokracia e Re e qendrës së djathtë kryesonte me 40.5 % të votave dhe 158 vende në parlamentin prej 300 vendesh, sipas të dhënave zyrtare të ministrisë së brendshme.

Ishte më shumë se 20 pikë larg Syriza-s, një parti radikale e majtë që fitoi zgjedhjet në 2015 – ën në kulmin e një krize borxhi dobësuese dhe që drejtoi vendin deri në vitin 2019, kur humbi nga Demokracia e Re.

Por kush është lideri grek?

Duke iu drejtuar turmës së mbledhur për të festuar fitoren, Mitsotakis u shpreh se kjo mbështetje vetëm rrit përgjegjësinë e tij për t’iu përgjigjur shpresave të njerëzve. Ai shtoi se ndihej personalisht i detyruar për t’i shërbyer vendit me të gjitha aftësitë e tij. Kyriakos Mitsotakis, 55 vjeç, një ish-bankier dhe pasardhës i një familjeje të fuqishme politike, ka premtuar të rrisë të ardhurat nga industria jetike turistike, të krijojë vende pune dhe të rrisë pagat afër mesatares së Bashkimit Europian.

Ai erdhi në pushtet në vitin 2019, duke rrëzuar partinë radikale Syriza, e cila u ngrit në vitin 2015, në kulmin e një krize dobësuese borxhi, e cila pothuajse pa Greqinë të largohej nga zona e euros.

Mitsotakis, i cili ishte kryeministër nga viti 2019 deri në dorëheqjen në favor të një kryeministri në detyrë pas një votimi jopërfundimtar në maj, është zotuar të vazhdojë me reformat për të rindërtuar vlerësimin e kreditit të vendit pas krizës së borxhit që shkatërroi vendin për një dekadë.

Votimi i së dielës ishte i dyti në pesë javët e fundit, pasi një votim i parë më 21 maj, i mbajtur nën një sistem tjetër zgjedhor, nuk i dha një partie të vetme një shumicë absolute në parlament.

Pandemia e COVID-19 dhe një aksident vdekjeprurës hekurudhor në shkurt ekspozuan mangësitë në sistemin shëndetësor dhe transportin publik të Greqisë. Por kriza e kostos së jetesës dhe vështirësitë ekonomike kanë qenë së fundmi në qendër të shqetësimeve të votuesve.

Nga ana e tyre grekët presin shumë nga qeveria e re. Sektorët kryesorë në të cilët priten ndryshime mbeten ai shëndetësor dhe i ekonomisë. Një parti kundër emigrantëve, Spartanët, e cila pretendon se Greqia kërcënohet nga migrimi i pakontrolluar, ishte surpriza e fushatës. Ajo fitoi 4.7 % të votave dhe deri në 13 vende në parlament.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.