Bursat, europiane me ndryshime minimale – Investitorët, të shqetësuar për ngadalësimin e ekonomisë globale
Bursat europiane janë hapur me ndryshime të vogla në sesionin e sotëm, pas humbjeve të realizuara javën e kaluar. Indeksi pan-Europian Stoxx 600 e ka nisur ditën në rritje të lehtë me 0.1%, ndërsa sektori i naftës dhe gazit kryeson fitimet, në rritje me 0.8%.
Javën e kaluar, ky indeks publikoi humbje gjatë 5 sesioneve, për shkak të shqetësimeve se rritja e interesave nga bankat qendrore mund ta çojë ekonominë globale drejt recesionit. Banka e Anglisë rriti normën bazë të interesit me gjysmë pikë përqindje, duke surprizuar investitorët. Në anën tjetër, Rezerva Federale pavarësisht se nuk ndryshoi politikën monetare, paralajmëroi tregjet se do të ketë edhe 2 rritje të tjera të interesave gjatë këtij viti, ndërsa normat e interesit do të qëndrojnë të larta për një kohë më të gjatë.
Në fokus të tregjeve javë edhe zhvillimet që kanë të bëjnë me rebelimin e armatosur kundër presidentit rus, Vladimir Putin nga mercenarët e drejtuar nga Jevgeni Prigozhin.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.