Bursat europiane, viti më i keq që nga 2018 – Arsyet kryesore

Bursat europiane pritet të realizojnë vitin më të keq që nga 2018-a, pasi lufta mes Rusisë dhe Ukrainës, inflacioni i lartë dhe shtrëngimi i politikave monetare kanë dëmtuar asetet me risk në të gjithë botën.

Indeksi pan-Europian Stoxx 600 e ka nisur sesionin e fundit të këtij viti me një rënie prej 12%, krahasuar me sesionin e parë të vitit, performanca më e dobët vjetore që nga viti 2018.

Ekonomitë në të gjithë botën e nisën vitin 2022 në përpjekje për tu rimëkëmbur nga pandemia e Covid-19, por pushtimi i Ukrainës nga Rusia çrregulloi të gjithë zinxhirin e furnizimit dhe shkaktoi rritje të ndjeshme të çmimeve, sidomos të ushqimeve dhe energjisë.

Me luftën në Ukrainë që nuk po tregon shenja të përfundimit dhe me Kinën që po përballet me procesin e rihapjes së ekonomisë nga Covid-19, investitorët po përllogarisin rreziqet për vitin 2023.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.