Busat europiane, në rënie të lehtë – Lagarde sinjalizon shtrëngimin e politikës monetare

Bursat europiane janë hapur në rënie të lehtë në sesionin e sotëm, pas disa ditësh me rradhë në rritje. Indeksi pan-Europian Stoxx 600 e ka nisur ditën në rënie me 0.1%, ndërsa sektori minerar dhe ai i teknologjisë kryesojnë fitimet, në rritje me 0.7%. Humori i investitorëve është dobësuar nga deklarata e presidentes së Bankës Qendrore Europiane, e cila tha se inflacioni po ngadalësohet, por është ende shumë herët për të ndalur hapin e rritjes së interesave.

Të dhënat për majit, treguan se inflacioni në Eurozonë u ngadalësua në 6.1% nga 7% që ishte në prill. Edhe shumica e tregjeve në rajonin e Azi-Paqësorit patën një tendencë në rënie në sesionin e sotëm. Banka Qendrore Europiane e ka rritur normën bazë të interesit me 375 pikë bazë gjatë vitit të kaluar, në përpjekje për të “ftohur” inflacionin. Analistët parashikojnë se, BQE do të ndërmarrë edhe një tjetër rritje me 25 pikë bazë, në takimet e ardhshme.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.