Ç’do ndodhë me kontratat e HEC-eve mbi Vjosë? “Park Kombëtar”, Nika: S’kanë vend mbi lumë, duhet rishikimi edhe i shumë aktiviteteve të tjerë
Shpallja e Vjosës “Park Kombëtar” do të duhet të pasohet me shfuqizimin e të gjithë kontratave koncesionare për ndërtimin e hidrocentraleve mbi këtë lumë.
Olsi Nika, nga organizata EcoAlbania, që udhëhoqi fushatën në Shqipëri, thotë se do të duhet të bëhet një vlerësim për secilën prej tyre, por gjithsesi tashmë hidrocentralet nuk mund të ndërtohen, pasi zhvillimi i këtyre aktiviteteve është i ndaluar.
Gjithsesi, sipas Nikës janë edhe një sërë aktivitetesh të tjerë që do të duhet të rishikohen, sikurse mund të jenë guroret, për të cilët duhet të përgatiten plane specifike.
Të pkatën 45 hidrocentrale janë planifikuar për t’u ndërtuar mbi lumin Vjosë, 8 prej të cilëve në degën kryesore, ndërsa 37 të tjetër në degët e tij.
Ola Mitre / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.