Energjia për klientët e lidhur në 35 KV – ERE cakton çmimin për shkurtin, do e paguajnë me 32.24 lekë/kWh

Klientët në tregun e liberalizuar, të lidhur në tensionin 35 KV, që vijojnë të furnizohen me energji elektrike nga OSHEE do të tarifohen me 32.24 lekë/kWh për muajin shkurt.

Ky çmim caktohet çdo muaj nga Enti Rregullator i Energjisë për shkak të ndikimit nga kursi i euros, ndërkohë që në krahasim me muajin janar është thuajse i njëjtë, duke qenë se një muaj më parë u faturua me 32.27 lekë/kWh.

Ndërkaq, për bizneset e liberalizuar lidhur në tensionin 20, 10 dhe 6 KV tashmë është përcaktuar çmimi për gjithë vitin 2023, duke u fiksuar në 18.26 lekë/kWh.

Kjo, për shkak të mos ndryshimit të komponentëve përbërës së formulës, duke qenë se energjia për këtë kategori klientësh blihet me çmim fiks nga Korporata Elektroenergjetike Shqiptare.

Ola Mitre/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.