Çelet “Java e Evropës” në Shqipëri – Gonzato: Aktivitete të shumta nga Veriu, në Jug. Promovohet gjithëpërfshirja
Nën moton “Evropa është këtu”, Delegacioni i BE-së ka çelur sot Javën e Evropës 2024, me një sërë aktivitetesh që synojnë promovimin, kremtimin e gjithëpërfshirës, diversitetin dhe të drejtat e njeriut përmes artit, muzikës, panaireve, ekspozitave dhe panëve të diskutimit të organizuara nga veriu në jug të Shqipërisë.
“Ne duam të krijojmë hapësira për angazhim dhe debat me partnerë të ndryshëm shqiptarë, të diskutojmë se si mund të nxisim një shoqëri më gjithëpërfshirëse dhe më të drejtë, ku secili ka vendin e vet dhe mund të japë kontributin e vet. Panairet tona të BE në tre qytete, Shkodër, Gjirokastër, Tiranë, do të mirëpresin qytetarë që duan të takojnë njerëz nga shoqata që kanë marrë pjesë në programe të financuara nga BE-ja, të informohen për nismat e BE-së që promovojnë përfshirjen, diversitetin dhe që ofrojnë mundësi për të përmbushur potencialet profesionale”,tha ai.
Këtë vit, delegacioni i BE ka vendosur partneritet me Orkestrën rinore të Ballkanit Perëndimor, një platformë për bashkëpunimin e muzikantëve të rinj profesionistë të vendeve të Ballkanit Perëndimor, e cila synon të bashkojë rininë e rajonit. Java e Evropës do të zgjasë deri më 11 Maj.
Elisabeta Dosku/ SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.