CEO-t, më optimistë për ekonominë globale – Çelësi i suksesit, reformimi në shkallë të gjerë

Më shumë drejtues po ndihen më optimistë për sa i përket ekonomisë globale, por një numër në rritje nuk mendojnë se kompanitë e tyre nuk do të mbijetojnë dekadën e ardhshme pa një reformim të madh për shkak të presionit nga teknologjia si inteligjenca artificiale dhe ndryshimet klimatike, sipas një sondazhi të ri të CEO-s nga një prej firmave më të mëdha konsulente në botë, PriceWaterhouseCopers.

Sondazhi i më shumë se 4700 CEO-ve në mbarë botën u publikua ndërsa elitat e biznesit, liderët politikë dhe aktivistët u mblodhën në takimin vjetor të Forumit Ekonomik Botëror në Davos, Zvicër, dhe tregoi një panoramë të përzier të viteve të ardhshme.

Nga drejtuesit, 38 % ishin optimistë për fuqinë e ekonomisë, nga 18 % vitin e kaluar, kur bota ishte e zhytur në inflacion të lartë, rritje të dobët, rritje të normave të interesit etj.

Pritshmëria e CEO-ve për rënie ekonomike ka rënë në 45 % nga një rekord prej 73 % vitin e kaluar, dhe më pak e panë kompaninë e tyre si shumë të ekspozuar ndaj rrezikut të konfliktit gjeopolitik.

Kjo përkundër luftërave në Ukrainë dhe Lindjen e Mesme, duke përfshirë ndërprerjet në tregtinë globale nga sulmet e rebelëve Houthi të Jemenit ndaj anijeve tregtare në Detin e Kuq.

Edhe me perspektivën e përmirësuar ekonomike, sfida nuk është pranë fundit, me Bankën Botërore që tha javën e kaluar se pret që ekonomia globale të ngadalësohet për të tretin vit radhazi në 2024-ën.

Drejtuesit, ndërkohë, u ndjenë më keq për perspektivat e aftësisë së kompanive të tyre për të përballuar ndryshime të mëdha. Sondazhi tregon se 45 % e të anketuarve ishin të shqetësuar se bizneset e tyre nuk do të ishin të qëndrueshme në një dekadë pa reformim, nga 39% vitin e kaluar.

Drejtorët ekzekutivë thonë se po përpiqen të bëjnë ndryshime, por ata po përballen me rregulloren, mungesën e aftësive midis punëtorëve dhe më shumë. IA u pa si një mënyrë për të përmirësuar operacionet e biznesit dhe si një dobësi. Gati 3/4 e drejtuesve thanë se ‘kjo do të ndryshojë ndjeshëm mënyrën se si kompania e tyre krijon, ofron dhe kap vlerën në tre vitet e ardhshme.

Më shumë se gjysma e CEO-ve thanë se Inteligjenca Artificiale do t’i përmirësonte produktet ose shërbimet e tyre, por 69% vunë re se punonjësit e tyre kishin nevojë për trajnime për të fituar aftësi për të përdorur teknologjinë në zhvillim.

Ata gjithashtu ishin të shqetësuar se si IA do të rriste rreziqet e sigurisë kibernetike dhe dezinformimin.

Dorina Kurtaj / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.