Cili qark kontribuon më shumë në ekonominë e Shqipërisë? – Bashkitë ku investohet më shumë dhe më pak
Produkti i Brendshëm Bruto është indikatori më i rëndësishëm që mat peshën që ka secili qark në ekonominë kombëtare. Referuar të dhënave të INSTAT, sipas rajoneve statistikore në nivel qarku, vlera më e lartë e PBB-së paraqitet në Qarkun Tiranë, me rreth 43 % të PBB-së gjithsej . Vlera më e ulët e PBB paraqitet në Qarkun Kukës, me afro 1,6% të PBB-së gjithsej.
Niveli më i lartë i PBB-së për frymë sipas rajoneve statistikore rezulton në Qarkun Tiranë, ndërsa niveli më i ulët, në qarkun Kukës.
Referuar strukturës së Vlerës së Shtuar Bruto sipas degëve të ekonomisë dhe sipas qarqeve, rezulton se rajoni që ka kontributin më të madh në Vlerën e Shtuar Bruto është Qarku Tiranë me 42,9% ndaj totalit të VSHB-së. Rajoni që ka kontributin më të ulët është Qarku Kukës me 1,7% ndaj totalit të VSHB-së, më
Sa i takon financave publike janë analizuar bashkitë në bazë qarqesh lidhur me buxhetet e tyre respektive, ku rezulton se qarqet me buxhetin më të lartë janë: Qarku Tiranë, Durrës, Elbasan, Korçë dhe Shkodër, ndërsa qarqet me buxhetin më ulët e ka Qarku Berat ndjekur nga Qarku Kukës.
Nga ana tjetër, shpërndarja e investimeve evidenton qartë diferencat ndërmjet bashkive më të mëdha dhe atyre të vogla (duke pasur parasysh sipërfaqen dhe popullsinë). Bashkitë me buxhetin më të lartë për investime të kryera paraqiten: Bashkia Kamëz, Durrës, Shkodër, Fier dhe Vorë. Bashkitë me investimet më të ulëta të kryera paraqiten: Bashkia Libohovë, Tepelenë, Pustec, Poliçan dhe Fushë-Arrëz.
Sipas të dhënave më të fundit të INSTAT rezulton se qarqet me investimet më të larta janë Qarku Durrës, Tiranë, Elbasan, Korçë, Fier dhe Vlorë. Ndërsa nivelin më të ulët e ka Qarku Berat ndjekur nga qarku Shkodër.
Produkti i Brendshëm Bruto në % ndaj totalit
Tiranë 43 %
Kukës 1.6 %
Vlera e Shtuar Bruto në % ndaj totalit
Tiranë 42.9 %
Kukës 1.7 %
Buxhetet sipas qarqeve
Qarqet me buxhetin më të lartë
Qarku Tiranë
Qarku Durrës
Qarku Elbasan
Qarku Korçë
Qarku Shkodër
Qarqet me buxhetin më të ulët
Qarku Berat
Qarku Kukës
Shpenzimet për investime sipas bashkive
Bashkitë me buxhetin më të lartë për investime
Bashkia Kamëz
Bashkia Durrës
Bashkia Shkodër
Bashkia Fier
Bashkia Vorë
Bashkitë me buxhetin më të ulët për investime
Bashkia Libohovë
Bashkia Tepelenë
Bashkia Pustec
Bashkia Poliçan
Bashkia Fushë-Arrëz
Investimet sipas qarqeve
Qarqet me investimet më të larta
Qarku Durrës
Qarku Tiranë
Qarku Elbasan
Qarku Korçë
Qarku Fier
Qarku Vlorë
Qarqet me investimet më të ulëta
Qarku Berat
Qarku Shkodër
Elisabeta Dosku / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.