“Çmimet rrezikojnë ekonominë e Shqipërisë” – Banka Botërore liston pasojat në jetën e qytetarëve

Rritja e mëtejshme e çmimeve të ushqimeve dhe energjisë përbëjnë një rrezik të rëndësishëm për rritjen ekonomike, pasi ato mund të ndikojnë negativisht në të ardhurat reale të disponueshme, të ngadalësojnë uljen e varfërisë dhe potencialisht të kufizojnë hapësirën fiskale.   Në këtë konkluzion ka dalë raporti ekonomik i Bankës Botërore për rajonin, ku një kapitull të veçantë zë Shqipëria.

Sipas raportit, si një ekonomi e vogël dhe e hapur, Shqipëria është shumë e ekspozuar ndaj goditjeve të jashtme, si recesioni në Europë ose shtrëngimi i mëtejshëm i kushteve të financimit në tregjet ndërkombëtare të kapitalit në vitet në vijim, por gjithashtu ka edhe rrisqe të brendshme që mund të ndikojnë.

Nga ana tjetër theksohet se bujqësia e cila është një ndër sektorët më të prekur ndaj ndryshimeve klimaterike, duhet të jetë më në fokus, përmes rritjes së mbrojtjes nga rreziqet natyrore.

Banka Botërore vlerëson se ekonomia shqiptare po rritet me ritme të ngadalta dhe parashikohet që viti të mbyllet në nivelin 3.6 për qind.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.