Darka e Krishtlindjeve, italianët do shpenzojnë 2.9 mld euro – 400 milionë euro më shumë në krahasim me vitin 2022
Për darkën e Krishtlindjeve italianët do të shpenzojnë 2.9 miliardë euro: 400 milionë më shumë se vitin e kaluar. Rritja nuk do të përcaktohet nga rritja e shpenzimeve, por nga rritja e çmimeve. Ky është rezultati që del nga një sondazh i kryer nga Qendra e Studimit Confcooperative.
Darka do të ketë një rritje të numrit të pjesëmarrësve. Mesatarisht do të ketë 6 deri në 8 komponentë të cilët, në shumicën e rasteve, do të rrisin përsosmërinë e agro-ushqimit ‘Made in Italy’. ‘Spumantet” italiane, më të preferuara se ato nga përtej Alpeve, konfirmojnë veten si superyjet e pashmangshëm të darkave me rreth 60 milionë shishe gati për t’u konsumuar në tryezat e familjeve dhe restoranteve.
Për menunë e Krishtlindjes, ushqimi tradicional është përbërësi kryesor i festës: midhje dhe frutat e detit për pjatat e para – 165 milionë euro; peshk për pjata të dyta – 495 milionë euro; mish të pjekur dhe vezë – 510 milionë euro); verëra dhe spumante- 430 milionë euro; fruta, perime dhe zarzavate – 385 milionë euro.
Makarona, bukë, miell dhe vaj – 320 milionë euro. Do të ketë një pjatë me djathëra italianë të freskët dhe të pjekur – 155 milionë. Shporta do të mbyllet nga karroca e pasur e ëmbëlsirave e përbërë nga panetone dhe pandoro para së gjithash, si dhe nga shumë specialitete rajonale të ëmbëlsirave për një vlerë prej 400 milionë euro.
Dorina Kurtaj /SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.