Del në ankand iPhone i edicionit të parë – Kap shifrën rekord duke u shitur për 190 mijë dollarë

Zakonisht iPhone-ët bien në vlerë sapo dalin nga dyqani. Por ka disa raste të veçanta, siç u pa në një ankand në SHBA, ku një model i edicionit të parë, i pahapur 4 GB u shit për 190,372,80 dollarë.

Jo shumë prej tyre u prodhuan në atë kohë, duke bërë që modeli të konsiderohet “Grali i Shenjtë” nga koleksionistët e iPhone.

Loti, i drejtuar nga LCG Auctions, tërhoqi 28 oferta në total dhe u shit me gati 400 herë çmimin e tij origjinal.

Tarifa përfundimtare përfshin kostot e administrimit mbi çmimin e çekiçit që i paguhet shtëpisë së ankandit nga blerësi, i njohur si “premia e blerësit”.

Primi i blerësit shkon drejtpërdrejt në shtëpinë e ankandit dhe jo tek shitësi.

LCG Auctions e përshkroi atë si “një koleksion popullor të nivelit të lartë”, duke shtuar se dy iPhone të tjerë të edicionit të parë të mbyllur në fabrikë ishin shitur me vlera rekord vitin e kaluar.

Fillimisht e shitur me pakicë në 599 dollarë, iPhone pritej të kapte në rajonin prej 50,000-100,000 dollarë, por arriti të thyente të gjitha rekordet e mëparshme.

I lëshuar për herë të parë në 2007 nga CEO i atëhershëm i Apple, Steve Jobs, gjigandi i teknologjisë mori vendimin për të ndërprerë modelin 4 GB vetëm dy muaj pasi u lançua, për shkak të shitjeve të vonuara.

Shumica e njerëzve vendosën të blinin modelin 8 GB, i cili u lançua në të njëjtën kohë dhe u dha përdoruesve dyfishin e hapësirës së ruajtjes, për vetëm 100 dollarë më shumë.

Çdo disa muaj, disa kujtime të rralla të Apple ose relike të jetës dhe karrierës së Jobs shiten në ankand.

Ato përfshijnë një poezi që ai shkroi në librin vjetor të shkollës së mesme të një shoku të klasës, foto të tij në kolegj dhe një kartëvizitë nga viti 1978.

Në vitin 2011, bashkëthemeluesi i Apple vdiq në moshën 56-vjeçare pasi vuante nga kanceri i pankreasit. Apple tha se ai kishte qenë “burimi i risive të panumërta që pasurojnë dhe përmirësojnë të gjithë jetën tonë” dhe e kishin bërë botën “pa masë më të mirë”.

Ai prezantoi në botë kompjuterin shumëngjyrësh iMac, iPod, iPhone dhe iPad.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.