Banka Botërore synon fuqizimin e huadhënieve – Presidenti Ajay Banga zbulon planet e reja për ndryshimet klimatike

Presidenti i Bankës Botërore Ajay Banga zbuloi planet e reja për të mbështetur bilancin e bankës dhe për të ndihmuar vendet të përballen me ndryshimet klimatike dhe sfidat e tjera. Ai theksoi se një rritje eventuale e kapitalit do të ishte ende e nevojshme.

Ish-CEO i Mastercard Banga, i cili mori drejtimin e Bankës Botërore më 2 qershor, shpalosi propozime të reja për ta “bërë bilancin më elastik” gjatë një takimi të zyrtarëve të financave nga Grupi i 20 ekonomive kryesore në Gandhinagar, Indi.

Hapat e rinj, të cilët janë ende në diskutim me vendet e interesuara, janë në krye të hapave fillestarë të miratuar në prill që do të rrisin kreditë e Bankës Botërore me 50 miliardë dollarë gjatë dekadës së ardhshme.

Aksioneri më i madh i bankës, SHBA, bëri presion për reforma në tetor, duke emëruar më vonë Banga si pasues të ish-presidentit David Malpass me një mandat specifik për të përshpejtuar rritjen e institucionit gati 70-vjeçar.

Plani mund të gjenerojë dhjetëra miliarda kredi shtesë duke i lejuar aksionerët të garantojnë kredi nëse vendet nuk i shlyejnë kreditë, me Bankën Botërore që thotë se do të investojë në kredi të reja për çdo 1 dollarë garanci për një periudhë 10-vjeçare.

Në një lëvizje tjetër, banka mund të lëshojë gjithashtu një instrument të ri kapitali hibrid që do t’i lejojë aksionerët të investojnë në bono, duke e ndihmuar atë të japë hua deri në 6 miliardë dollarë.

Ai propozoi thithje më të madhe të rrezikut dhe zgjerim të huadhënies duke rritur kushtet për kapitalin e kapshëm – para të premtuara nga qeveritë, por aktualisht të pa “paguara”.

Gjithashtu planifikohet zgjerimi i kredisë me interes shumë të ulët ose zero, duke përfshirë një strukturë të re krizash prej 6 miliardë dollarësh të krijuar për vendet më të varfra nëpërmjet Shoqatës Ndërkombëtare të Zhvillimit.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.