Greqia nis shitjen e aksioneve bankare – Në objektiv janë katër bankat më të mëdha të vendit

Greqia këtë vjeshtë do të fillojë të shesë aksione në katër bankat e saj më të mëdha, sipas raportimeve të zyrtarëve të sektorit dhe bankierë, duke shënuar momentin historik më të fundit në rimëkëmbjen e vendit nga kriza financiare që pësoi në dekadën e kaluar.

Fondi i shpëtimit të bankave, i kontrolluar nga shteti, HFSF do të shesë veçmas aksionet në Bankën Kombëtare të Greqisë (NBG), Piraeus Bank, Alpha Bank dhe Eurobank që ajo bleu nga ana e saj për injektimin e rreth 50 miliardë eurosh për të rikapitalizuar huadhënësit gjatë periudhës së krizës financiare të vendit.

1.4% e aksioneve të HFSF në Eurobank do të jetë e para që do të dalë në shitje. Menaxhmenti i bankës ka thënë se planifikon të blejë aksionet e saj në gjysmën e dytë të vitit.

“Eurobank do të paraqesë një propozim në HFSF për të blerë aksionet e saj deri në fund të gushtit”, tha për Reuters, një burim i dytë i përfshirë në proces.

HFSF zotëron gjithashtu 9% të aksioneve në Alpha, 27% në Piraeus Bank dhe 40.4% në Bankën Kombëtare të Greqisë (NBG).

“Shitja e dytë ndoshta do të përfshijë një paketë prej rreth 20% të Bankës Kombëtare të Greqisë”, tha burimi i dytë, duke shtuar se ende nuk është marrë një vendim përfundimtar.

Aksionet e bankave greke kanë fituar rreth 68% deri më tani këtë vit, pasi investitorët vlerësuan çmimin në Greqi duke rifituar statusin e saj të klasës investuese pas 13 vitesh.

Bankat kanë ulur raportet e tyre të kredive të këqija në nën 8% në 2022 nga 45% në 2016. Të gjitha kanë raportuar fitime të forta në 2022, të ndihmuar nga normat më të larta të interesit dhe shpresojnë të rifillojnë pagesën e dividentëve vitin e ardhshëm, për herë të parë që nga kriza e borxhit grek e cila shpërtheu në vitin 2010.

“Shitja e Piraeus Bank dhe aksioneve të Alpha Bank do të pasojë më vonë gjatë vitit ose në 2024”, tha zyrtari i dytë për Reuters.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.