Diamanti blu që mund të arrijë 50 milionë dollarë në ankand!

Diamanti më i madh blu, i zbukuruar, pa të meta, i nxjerrë ndonjëherë në ankand mund të shitet deri në 50 milionë dollarë në shitjen e bizhuterive të rralla të Christie në Gjenevë më 7 nëntor, tha mbajtësi i ankandit.

I njohur si “Bleu Royal”, ky diamant i gjallë blu i vendosur në një unazë është ndër më të rrallët që janë zbuluar ndonjëherë. Ajo që e bën Bleu Royal kaq të rrallë dhe të veçantë është madhësia e tij sepse me 17.6 karat, është më i madhi në llojin e tij.

Në vitin 2016, Christie’s shiti një diamant të rrallë blu 14,6 karatësh të njohur si “Oppenheimer Blue” për më shumë se 57 milionë dollarë.

Në një ankand të veçantë online që do të zhvillohet nga 3 deri në 16 nëntor, Christie’s do të ofrojë një gjerdan me perla të veshur nga ikona e filmit dhe modës Audrey Hepburn në skenën e fundit të filmit “Roman Holiday” nga viti 1953.

Drejtuesi i ankandit do të prezantojë gjithashtu një orë dore Rolex të veshur nga Marlon Brando në filmin e vitit 1979 “Apocalypse Now”, në anën e pasme të së cilës aktori gdhendi firmën e tij për të shmangur ndërrimin e saj aksidentalisht gjatë xhirimeve.

Dy vjet më parë, ora, që tani vlerësohet nga 1 milion deri në 2 milion franga zvicerane, u shit në ankand për 2 milion dollarë franga zvicerane (2.2 milion dollarë).

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.