Dollari e nis javën në rritje – Mbështetet nga vendimi i OPEC+ për të ulur prodhimin

Dollari amerikan është forcuar lehtë në sesionin e sotëm, pasi në sipërfaqe kanë dalë sërish shqetësimet mbi inflacionin, pas vendimit surprizë të OPEC+ për të ulur prodhimin. Analistët parashikojnë se, Rezerva Federale mund të detyrohet të rrisë sërish interesat për të parandaluar një rritje të çmimeve të energjisë.

Njoftimi i Organizatës së Vendeve Eksportuese të Naftës dhe aleatëve të tjerë, që ndryshe njihen si OPEC+, vjen pas publikimit të të dhënave në SHBA, që treguan një rritje të lehtë të shpenzimeve konsumatore, gjatë shkurtit. Euro ka zbritur sërish pranë 1.08 dollarëve, ndërsa paundi po tregtohet në rreth 1.227 dollarë.

Tashmë, tregjet po vlerësojnë se ka 61% mundësi që Rezerva Federale të rrisë normën bazë të interesit me 25 pikë përqindje, nga 48% që vlerësohej më parë. Në tregun e kriptomonedhave, bitcoin po tregtohet në rreth 27,700 dollarë, ndërsa ethereum po tregtohet në rreth 1780 dollarë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.