Drejt SHBA me pasaportë shqiptare, pa detyrimin 6-mujor – Vendimi dakordësohet me zyrtarët e lartë të DASH

Shqipëria është bërë pjesë e “Grupit të Klubit 6-mujor”. Lajmi bëhet i ditur nga ministria e Jashtme që e ka konsideruar këtë anëtarësim si një hap tjetër që konsolidon marrëdhënien me aleatin tonë strategjik, SHBA.

Kjo nënkupton se shtetasit shqiptarë të pajisur me pasaportë shqiptare, tani mund të udhëtojnë nga SHBA drejt Shqipërisë dhe anasjelltas deri në ditën e fundit të vlefshmërisë së pasaportës.

Deri më tani, për të udhëtuar në Shtetet e Bashkuara të Amerikës kërkohej që të kishe një pasaportë të vlefshme për së paku 6 muaj nga dita e udhëtimit.

Me këtë marrëveshje të re, ky detyrim nuk do ta aplikohet më ndaj shtetasve shqiptarë.

Vendimi është dakordësuar gjatë takimit me përfaqësues të lartë të Departamentit të Shtetit dhe do të lehtësojë procedurat e udhëtimit.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.