Ekonomia e SHBA, në recesion teknik – Produkti i Brendshëm Bruto u tkurr me një normë vjetore 0.6% në tremujorin e dytë
Ekonomia e Shteteve të Bashkuara ka hyrë zyrtarisht në recesion teknik pasi të dhënat treguan se Produkti i Brendshëm Bruto u ul me një normë vjetore prej 0.6% në tremujorin e dytë të vitit, sipas shifrave të përditësuara të publikuara nga Departamenti i Tregtisë. Të dhënat pasuan një tkurrje prej 1.6% në tremujorin e parë, duke treguar se ekonomia e SHBA kishte rënë në recesion teknik, që shpesh matet me dy tremujorë radhazi të prodhimit ekonomik në rënie.
Departamenti i Tregtisë zakonisht kryen tre vlerësime të PBB-së së tij tremujore, por të dhënat përfundimtare mbetën të pandryshuara nga vlerësimi i mëparshëm, kur u publikua një tkurrje prej 0.9%.
Analistët ekonomikë flasin për vështirësitë në tregun e banesave, me interest e kredive që janë dyfishuar që nga fillimi i vitit për të arritur nivelin më të lartë të 14 viteve.
Departamenti i Tregtisë publikoi gjithashtu një indeks të rishikuar të çmimeve të shpenzimeve të konsumit personal në tremujorin e dytë, që u rrit me 7.3% krahasuar me tremujorin e kaluar. Duke përjashtuar ushqimin dhe energjinë, indeksi i këtyre çmimeve u rrit me 4.7%, më i lartë nga 4,4% që pritej, duke treguar se çmimet në Shtetet e Bashkuara mbeten të larta.
Analistët besojnë se Rezerva Federale do të vazhdojë një politikë monetare të kujdesshme për shkak të inflacionit të lartë. Ata gjithashtu presin që Rezerva Federale të rrisë normat e interesit me 75 pikë bazë në mbledhjen e nëntorit.
“Për sa i përket pjesës tjetër të vitit, mendoj se do të shohim sigurisht një rritje dinamike, por kjo është pjesë e politikës së Rezervës Federale. Duhet të qetësohet ekonomia për të luftuar inflacionin”, tha Rudiger Bachmann, profesor i ekonomisë në Universitetin e Notre Dame.
Shumë analistë shqetësohen se rritja agresive e normave të interesit do të sjellë tendosje të mëtejshme mbi ekonominë globale në vështirësi, e cila tashmë është prekur nga faktorë të ndryshëm gjeopolitikë, duke përfshirë konfliktin Rusi-Ukrainë dhe rritjen e çmimeve.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.