Fatkeqësitë natyrore zhvendosin 3.3 milionë amerikanë – Vitin e kaluar 1.3% e popullsisë braktisën shtëpitë për shkak të uraganëve
Më shumë se 1.3% e popullsisë së rritur në Shtetet e Bashkuara të Amerikës u detyrua të zhvendoset si pasojë e fatkeqësive natyrore në vitin 2022. Uraganet janë shkaku kryesor i këtyre shpërnguljeve të detyruara sipas të dhënave të konfirmua nga sondazhi i parë i këtij lloji nga Byroja e regjistrimit në vend.
Rezultatet e sondazhit tregojnë se 3.3 milionë amerikanë të rritur braktisën vendbanimet e tyre si pasojë e uraganëve, përmbytjeve, zjarreve, tornadove apo fatkeqësive të tjera natyrore. Sondazhi u zhvillua on line në një periudhë kohe 2 vjecar.
Disa shtete rezultuan më të prekura se të tjerët. Në Florida, rreth 1 milion njerëz, ose 1 në 17 banorë të rritur, u zhvendosën nga vendbanimet që u shkatërruan nga uraganet Ian dhe Nicole vjeshtën e kaluar. Më shumë se 409 mijë njerëz – ose pothuajse 1 në 8 banorë – u zhvendosën në Luiziana, e cila pati një sezon relativisht të qetë stuhie në vitin 2022, edhe pse banorët ende po përballeshin me pasojat shkatërruese të uraganit Ida vitin e kaluar. Ndër shtetet me shkallën më të ulët të popullsisë së rritur që u zhvendos nga fatkeqësitë janë Indiana, Maine, North Dakota, Ohio dhe Oklahoma.
Nga 3.3 milionë të rriturit e zhvendosur, më shumë se një e treta qëndruan jashtë shtëpive të tyre për më pak se një javë; ndërsa rreth 1 në 6 banorë nuk u kthyen kurrë në shtëpitë e tyre.
Rreth 22% e të rriturve të zhvendosur raportuan se kishin të ardhura shtëpiake më pak se 25 mijë dollarë në vit.
Byroja e Regjistrimit u dërgoi ftesa më shumë se 1 milion familjeve për të marrë pjesë në sondazhin eksperimental duke mbledhur gjithsej 70.685 përgjigje deri në mes të muajit dhjetor.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.