Finalizohet Pani Kombëtar i fatkeqësive natyrore – Si do të përcaktohet financimi i mbrojtjes nga emergjencat civile?

Në vitet e fundit Shqipëria, ka qenë epiqendër e fatkeqësive natyrore nga ku pasojat kanë qenë të mëdha. E për të qenë në gatishmëri të fatkeqësive, Ministria e Mbrojtjes ka finalizuar Planin Kombëtar të Emergjencave Civile, i cili përfshin të gjithë grupet e interesit shqiptare dhe ndërkombëtare.

Në drafti theksohet se synim i planit të emergjancave civile është parandalimi, lehtësimi si dhe rimëkëmbja nga çdo ndikim negativ si pasojë e emergjencave ose fatkeqësive që prekin jetën e n jerëzve, gjënë e gjallë, pronën, trashëgimin kulturore komunitetin dhe mjedisin.

Ndërkaq, organizimi i sistemit të Mbrojtjes Civile në Shqipëri është i përbërë nga struktura të përherdhme dhe të përkohëshme në nivet qëndror, qarku dhe bashkie

Por si do të realizohet financimi i Sistemit të Mbrojtjes Civile? Mënyrat e financimit do të jenë në nivel qëndror dhe nivel bashkie. Buxheti i mbrojtjes civile të institucioneve qëndrore përbëhet nga buxheti i shteit, si dhe buxheti vjetor i çdo ministrie i parashikuar si zëmë vete për zvogëlimin e riskut të fatkeqësive dhe mbrotjen civile.

Ndërkohë në plan theksohet: “Bazuar në kuadrin ligjor aktualisht në fuqi, të gjitha ministritë kryesore me përgjegjësi në fushën e zvogëlimit të riskut nga fatkeqësitë dhe për mbrojtjen civile (mbrojtja civile, mbrojtja, punët e brendshme, transporti, infrastruktura, bujqësia, shëndetësia, energjetika, arsimi, mjedisi, kultura), kanë detyrim të kenë planifikim buxhetor të dedikuar për zvogëlimin e riskut nga fatkeqësitë dhe mbrojtjen civile nga 2% – 4% të totalit të buxhetit vjetor.”

Ndërkohë në nivel bashkie financimi i masave për zvogëlimin e riskut të fatkeqësive dhe mbrojtjen civile në nivel bashkie është sanksionuar në kuadrin ligjor në fuqi ku përcaktohet se: Bashkitë, për zvogëlimin e riskut nga fatkeqësitë dhe mbrojtjen civile, si dhe kryerjen e detyrave në zbatim të këtij ligji, mbështeten në parashikimin minimal prej 4 % të totalit të buxhetit vjetor të tyre, të cilat sigurohen nga fondet e kushtëzuara të buxhetit të shtetit.

Diamila Leka/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.