FMN: Ndryshimet klimatike kërcënojnë botën – Era dhe diallei përbënë 12% të energjisë elektrike globale në 2022

Nëse politikat aktuale mbeten të pandryshuara, për sa i përket ndryshimeve klimatike, nuk do të jetë e mundur që të kufizohen emetimet. Është ky alarmi i Fondit Monetar Ndërkombëtar, sipas të cilit era dhe dielli prodhuan 12% të energjisë elektrike globale në vitin 2022

Për FMN-në, një nga “kërcënimet ekzistenciale me të cilat po përballet bota është ndryshimi i klimës”. Nëse politikat mbeten të pandryshuara, emetimet këtë dekadë do të rriten dhe rruga për të kufizuar rritjen e temperaturës në dy gradë mbi nivelet para-industriale do të humbasë, sipas Victor Gaspar, drejtor i Departamentit të Çështjeve Buxhetore të Fondit Monetar Ndërkombëtar. Ai shtoi se aktualisht konsiderohet i domosdoshëm “veprimi kolektiv dhe urgjent”.

Era dhe dielli arritën peshën rekord të 12% të energjisë elektrike globale në vitin 2022, nga 10% në 2021 – shin, sipas një raporti të publikuar nga think-tanku i energjisë Ember. Së bashku, të gjitha burimet e energjisë elektrike me emetim zero – të rinovueshme dhe ato bërthamore – përbënin 39% të energjisë elektrike globale, një rekord i ri. Raporti parashikon se viti i kaluar mund të ketë qenë “kulmi” në emetimet e energjisë elektrike dhe viti i fundit i rritjes së energjisë fosile, me energjinë me emetime zero që plotëson të gjithë rritjen e kërkesës këtë vit.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.