Gjermanët preferojnë të paguajnë cash – Në rënie të vazhdueshme numri i ATM në vend 

Tërheqja e parave të gatshme për blerje po bëhet gjithnjë e më popullore për konsumatorët në Gjermani. Vëllimi i përgjithshëm i pagesave me para në dorë vitin e kaluar u rrit me 20 % në 12.31 miliardë euro.

Pagesa funksionon në mënyrë që klienti të paguajë me kartë në arkë dhe më pas të mund të kërkojë shumën që i nevojitet në para. Shuma shtohet në llogarinë fiskale dhe zbritet nga llogaria bankare e konsumatorit. Shuma maksimale që mund të tërhiqet është zakonisht 200 euro. Të dhënat u prezantuan të mërkurën nga Instituti i Kërkimeve të Tregut EHI. Sipas analistëve kjo mënyrë është e përshtatshme për klientët, sepse ata kursejnë kohë. Kërkesa po rritet gjithashtu për shkak të numrit në rënie të ATM-ve.

Kompanitë tregtare që e praktikojnë këtë, duke përfshirë zinxhirët e shitjes me pakicë të ushqimit, farmaci dhe disa dyqane të materialeve dhe veglave të ndërtimit, u kthejnë klientëve më shumë se 13 % të parave të fituara, tregoi hulumtimi.

Me frekuencën në rritje të kësaj mënyre aksesi në cash, rriten edhe tarifat që kompanitë duhet t’u paguajnë bankave. Sipas të dhënave të EHI-së, ato arrijnë nga 0.1 deri në 0.2 % të shumës së paguar për transaksion. Mbi këtë bazë, subjektet e shitjes me pakicë kanë paguar vitin e kaluar 17.23 milionë euro, që është 25.7 % më shumë se në vitin 2022.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.