Gjermania i trembet recesionit – Shkak, rënia e prodhimit industrial në vend

Prodhimi industrial gjerman ra më shumë se sa pritej në muajin mars, pjesërisht për shkak të performancës së dobët të sektorit të automjeteve, duke nxitur sërish frikën e recesionit në ekonominë më të madhe të Europës.

Prodhimi u ul me 3.4% në muajin e kaluar pas një rritjeje të lehtë të rishikuar prej 2.1% në shkurt. Ministria gjermane e ekonomisë konfirmoi se pas një ecurie të mirë të prodhimit industrial në fillim të vitit, pati një rënie të papritur të mprehtë në muajin mars.

Prodhimi i automjeteve dhe pjesëve të këmbimit ra me 6.5% krahasuar me muajin e kaluar. Prodhimi në makineri dhe pajisje ra me 3.4% dhe prodhimi në sektorin e ndërtimit u ul me 4.6% në muaj. Në tremujorin e parë, prodhimi ishte 2.5% më i lartë se në tremujorin e fundit të 2022, sipas zyrës së statistikave.

Në mars, porositë industriale gjermane ranë me 10.7% nga muaji i mëparshëm në baza sezonale dhe kalendarike, duke shënuar rënien më të madhe nga muaji në muaj që nga viti 2020 në kulmin e pandemisë COVID-19.

Prodhimi gjerman po vuan gjithnjë e më shumë nga rritja e normës globale, e cila po frenon gjithnjë e më shumë ekonominë. Rreziqet e një recesioni në Gjermani po rriten. Shitjet me pakicë dhe eksportet gjithashtu ranë ndjeshëm në mars, duke rritur shanset për një rishikim në rënie të produktit të brendshëm bruto të tremujorit të parë.

PBB-ja ishte e pandryshuar nga tremujori në tremujor në terma të rregulluar në tremujorin e parë, pas një tkurrjeje prej 0.5% në tremujorin e katërt të 2022 – shit. Një recesion përcaktohet si dy tremujorë radhazi tkurrje.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.