Gjermania po “qan” për punëtorë – Vendit i duhen 1.5 milionë emigrantë në vit

“Gjermania ka nevojë për 1.5 milionë emigrantë në vit, në mënyrë që, nëse refuzohet emigracioni i madh, vendi duhet të ketë 400 mijë qytetarë të rinj çdo vit dhe kështu do të ruhet numri i punëtorëve.” Është ky përfundimi i këshillit të ekspertëve ekonomikë të qeverisë gjermane, botuar së fundmi nga mediat në vend.

Madje ata këmbëngulin se vendi ka një nevojë urgjente për një kulturë të mirëseardhjes. Sipas tyre ligji i ri gjerman për punën profesionale duhet të shkojë në këtë drejtim. Megjithatë, sipas tyre, duhet më shumë, për shembull shërbime për emigrantët që nuk do t’u shkaktojnë frikë, por do t’u ofrojnë shërbime.

Një nga ndryshimet është se ata nuk do e kenë më kusht njohjen dhe praktikimin e gjuhës gjermane për cdo vend pune. Përkundrazi duhet që punonjësit në shërbimet për të huajt të flasin anglisht.

Dhjetë ditë më parë, koalicioni qeverisës i Gjermanisë prej tre anëtarësh miratoi një ligj të ri për imigrimin e punëtorëve të kualifikuar me shumicën e tij në Bundestag. Risi në të është ndër të tjera i ashtuquajturi sistem ‘shanse,’ i cili bazohet në pikë që fitohen sipas kritereve të ndryshme.

Këto përfshijnë aftësitë gjuhësore, përvojën e punës, moshën dhe lidhjet me Gjermaninë. Në të ardhmen, ekspertët e teknologjive IT do të mund të vijnë në Gjermani edhe pa diplomë universitare, nëse mund të dëshmojnë se kanë kualifikimet e nevojshme.

Këshilli i Ekspertëve Ekonomikë të Qeverisë Gjermane ka pesë anëtarë dhe si organ qeveritar merret me analizën e zhvillimit të përgjithshëm ekonomik të vendit.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.