Grevë e transportit ajror në Itali – Kompanitë ajrore anulojnë fluturimet e të shtunës

Greva e pilotëve dhe asistentëve të fluturimeve në Itali është bërë shkak për anulimin e qindra fluturimeve, përvec atyre ndërkontinentale. Gjithësesi Itaairëays siguron se të paktën 40%t e pasagjerëve do të arrijnë të udhëtojnë gjatë ditës së sotme

Pas grevës së trenave, vjen ajo e aeroporteve në Itali duke krijuar kaos për ata që synonin të udhëtonin për pushume. Grevës nga veriu në jug të vendit, i janë bashkuar shërbimet e check – in dhe menaxhimit të bagazheve, të cilët nuk do të ofrojnë asnjë shërbim për 8 orë, nga ora 10 e mëngjesit deri në 18.00. Pjesë e grevës janë dhe pilotët e Malta Air, që menaxhon fluturimet e Ryanair, nga ora 12.00 deri në 16.00. gjithashtu në grevë janë dhe pilotë dhe asistentë fluturimi të Vueling, në një kohë që Ita Airëays ka anuluar 133 fluturime.

Një grevë që ka pasoja shumë të rënda tek pasagjerët për shkak të anulimit dhe shtyrjes së fluturimeve. Sipas vlerësimeve të ItaliaRimborso, janë më shumë se 270 mijë italianët që preken nga kjo situatë. Ndërkohë janë publikar nga Enac, listat e fluturimeve të garantuara.

Kompanitë ajrore kanë anuluar paraprakisht fluturimet e përfshira në grevën e së shtunës, ndërkohë që iu është ofruar asistencë me anë të fluturimeve alternative pasagjerëve. Por kjo situatë konsiderohet shumë e vështirë pasi në rast të një greve të tillë kombëtare, pasagjeri nuik ka të drejtë për dëmshpërblim por mund të blejë me shpenzimet e veta një fluturim alternativ me një kompani tjetër ajrore që mund ta zgjedhë vetë.

Në aeroporitn e Fiumicinos janë anuluae 130 – 140 fluturime, ndërkohë që do të vijojnë 12 fluturime ndërkontinentale, si dhe fluturimet hyrëse që kanë nisur para fillimit të grevës në Itali. Në aeroportin e Napolit janë anuluar 118 fluturime, në një total prej 284 fluturimesh; në atë të Sardenjës 50 fluturime; në Kaliari 28, Olbia 15 dhe Alghero 4.

Arsyeja e protestës është mungesa totale e dialogut për kërkesat e pilotëve, por gjithësesi Ita airëays siguron se 40% e pasagjerëve do të arrijnë të udhëtojnë gjatë ditës së sotme.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.