Ibrahimaj: Ndërtimi u ngadalësua, mbështesim 300 kompani – Duma: Kompensimi 30% për firmat afër qeverisë. Asnjë lek për punëtorët
Nga foltorja e Kuvendit, Ministrja e Financave Delina Ibrahimaj e ka argumentuar kompensimin e kompanive të ndërtimit për rritjen e çmimeve të materialeve, me ngadalësimin e këtij sektori.
Ajo tha se sektori i ndërtimit ka treguar shenja të dukshme ngadalësimi muajt e fundit, gjë që prek në mënyrë të drejtpërdrejtë investimet në infrastrukturë, ashtu si dhe procesin e rindërtimit.
Ndërkohë që deputetët e opozitës kanë akuzuar se Akti për kompensimin e materialeve të ndërtimit ka qëllim mbështetjen e pak kompanive pranë Qeverisë. Ndërkohë që sipas Deputetes së PD, Grida Duma, asnjë shumë nga kompensimi nuk shkon për punëtorët e kompanive të ndërtimit.
Akti Normativ i Qeverisë i miratuar të enjten nga Kuvendi parashikon kompensimin në masën 5-30% të kompanive të ndërtimit për materiale bazë që kanë shënuar rritje të forta në bursat ndërkombëtare.
Lorenc Rabeta / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.