India nuk trembet nga çmimi tavan për naftën ruse – Deri tani, kostot e transportit dhe sigurimit janë përballuar nga pala ruse

Sipas ekspertëve, India mbetet e vendosur në rritjen e sigurisë së saj energjetike dhe ka të ngjarë të shtojë importet e naftës nga Rusia. Shtetet anëtare të Bashkimit Europian ranë dakord të premten për një kufi prej 60 dollarësh për fuçi për çmimin e naftës së papërpunuar ruse. Sipas vendimit, sigurimet dhe shërbimet e tjera për dërgesat e naftës ruse do të ndalohen nëse shitet më shumë se 60 dollarë për fuçi.

Ky kufi i çmimit nuk është larg nga ajo që India, një blerës i madh i naftës ruse, ka paguar për importet në muajt e fundit.

“Vendet që vazhdojnë të importojnë naftë ruse, si India, Kina, disa nga ekonomitë e tjera në zhvillim, mendoj se mund t’u japë atyre më shumë porioritet negociues për çmimin. Ministri i Jashtëm rus, Sergei Lavrov, ka thënë gjithashtu se Rusia do të vazhdojë të negociojë në mënyrë dypalëshe,” tha ish-ambasadori i Indisë në Kazakistan, i cili tani është president i Institutit të Studimeve Globale në Indi.

Importet e naftës së papërpunuar ruse nga India arritën rekordin prej një milion fuçi në ditë gjatë nëntorit. Deri tani, kostot e transportit dhe sigurimit janë përballuar nga pala ruse.

Embargo e re ndaj anijeve dhe kompanive të sigurimit të BE-së mund të shkaktojë ndërprerje afatshkurtëra. Por, Rusia ka punuar për të gjetur alternativa.

Ekspertët thonë se nëse ka një reduktim të eksporteve të naftës bruto ruse në terma afatgjatë, kjo mund të çojë përfundimisht në çmime më të larta të naftës në tregjet globale.

Dorina Kurtaj/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.