Inflacioni në Francë shënon rekord të ri – Ekonomia regjistroi një rritje shumë të dobët tremujorin e tretë
Ekonomia e Francës pati një rritje të dobët në tremujorin e tretë pasi shpenzimet e familjeve u bllokuann dhe një rritje e mprehtë e inflacionit në tetor tregoi panoamën e zymtë që pritet në tremujorin e fundit të vitit.
Ekonomia e Francës u rrit me 0.2% në periudhën korrik-shtator, në përputhje me pritshmëritë e tregut, treguan të dhënat paraprake nga agjencia zyrtare e statistikave INSEE. Ndërkohë, çmimet e konsumit në muajin tetor shënuan rritje spirale. Në bazë të harmonizuar me Bashkimin Europian, inflacioni u rrit me 1.3% nga muaji në muaj, i nxitur nga rritja e kostove të produkteve të naftës dhe çmimet e ushqimeve.
Norma nga viti në vit doli në 7.1% kundrejt 6.2% një muaj më parë, konfirmoi INSEE, duke tejkaluar një rekord të mëparshëm prej 6.8% për ekonominë e dytë më të madhe të eurozonës. Rritja e inflacionit në tetor pasoi dy muaj radhazi të ngadalësimit të rritjes së çmimeve të konsumit. Franca ka ecur më mirë se fqinjët e saj në zbutjen e rritjes së çmimeve, megjithëse disa ekonomistë kanë paralajmëruar se shpenzimet e saj të mëdha për mbrojtjen e përgjithshme për familjet do të japin pasoja negative më vonë.
Të dhënat franceze vijnë një ditë pasi Banka Qendrore Europiane ngriti sërish normat e interesit, e shqetësuar se rritja e shpejtë e çmimeve po rrënjoset. Ajo ngriti normën e saj të depozitave me 75 pikë bazë të tjera në 1.5% – norma më e lartë që nga viti 2009.
INSEE në fillim të këtij muaji parashikoi rritje të palëvizshme për tre muajt e fundit të vitit.
Ndërkohë dhe në Itali shënohet një rekord inflacioni pranë 12%. Sipas të dhënave paraprake, treguesi për çmimet e konsumit në të gjithë vendin, regjistroi një rritje prej 3.5% në muajin tetor mbi një bazë mujore, ose 11.9% në bazë vjetore.
Rritja e fortë ka të bëjë kryesisht me cmimet e energjisë nga 44.5% në shtator në 73.2% në tetor, si dhe me cmimet e produkteve ushqimore nga 11.4%. në 13.1%.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.