Insider nis rrugëtimin ndryshe. Një cikël emisionesh dedikuar turizmit

Emisioni Insider në SCAN nisi sot një rrugëtim të ri, duke u larguar nga studio e zakonshme. Ky rrugëtim i ri përfshin një cikël emisionesh që do të transmetohen një herë në javë.

Këto emisione të veçanta do t’u kushtohen qyteteve shqiptare duke u fokusuar te turizmi, projektet e realizuara, projektet e pritshme e mbi të gjitha te potenciali që ato paraqesin për zhvillim.

Krahas diskutimit të konceptuar në formën e një forumi, të moderuar nga gazetari Angelo Haruni, Insider sjell edhe një ‘kartolinë” për qytetin përkatës, duke evidentuar pikat më tërheqëse të qytetit.

Ky cikël emisionesh nis me Gjirokastrën; ‘qytetin e gurtë’ të Shqipërisë, që përbën edhe një pasuri botërore, që vitet e fundit po njeh një rritje të fortë të turizmit e nga ana tjetër është kthyer në qytetin simbol të turizmit gjithëvjetor shqiptar.

Në këtë tryezë Ministrja e Turizmit, Mirela Kumbaro, kryebashkiaku Flamur Golemi sidhe përfaqësuesit e bizneseve lokale tregojnë një anë tjetër të Gjirokastrës, që mbase pak prej nesh e njohin…

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.