Investitorët rikthehen tek dollari dhe ari – Situata në Lindjen e Mesme, në kërkim të një “strehe” të sigurtë

Goditjet, ndoshta më të forta këtë herë, priten të tronditin tregjet e aksioneve, pasi përshkallëzimi i dhunës në Lindjen e Mesme nxit një zhvendosje të investitorëve në strehë të sigurta, ndërkohë që ndryshon këndvështrimin e tregut për rrugën e normave të interesit.

Në qendër të interesit sot janë dollari, jeni dhe franga zvicerane, tre monedhat që konsiderohen tradicionalisht strehë të sigurta në kohë krize. Dollari është rritur për të katërtën javë radhazi, ndërsa franga zvicerane është ngjitur në nivelet më të larta në më shumë se një vit kundrejt euros. Së bashku me dy monedhat dhe gjithashtu strehën e sigurtë të arit, i cili të premten pa rritjen më të madhe që nga marsi.

Por në vëmendje janë dhe çmimet e naftës, të cilat po i afrohen sërish niveleve prej 90 dollarë për fuçi, pas rritjes prej 6% që shënuan javën e kaluar. Investitorët kanë filluar të vlerësojnë ndikimin e mundshëm të luftës në furnizimin me energji pasi rajoni më i gjerë i Lindjes së Mesme është një nga prodhuesit më të rëndësishëm të hidrokarbureve në botë. Kështu, skenarët për ecurinë e çmimeve të ‘arit të zi’ shumëfishohen në raport me përshkallëzimin dhe shtrirjen e luftës.

Në të njëjtën kohë, këtë javë mund të ketë përmbysje në tregun e obligacioneve dhe në veçanti në bonot e thesarit të SHBA-së pas ulje-ngritjeve të javës së kaluar dhe ndryshimeve të mprehta midis rritjes dhe rënies. Edhe obligacionet qeveritare i përkasin kategorisë së strehëve të sigurta në kohë krize dhe zakonisht tërheqin investitorët në mënyrë masive.

Sipas shumë ekonomistëve, përshkallëzimi i luftës mund të çojë në një recesion global. Vlerësimi negativ shton shqetësimet e investitorëve nëse Rezerva Federale e SHBA-së është e prirur të vendosë të ngrijë normat e interesit.

Burimi i shqetësimit janë të dhënat e publikuara pak ditë më parë që kanë bërë që inflacioni i superfuqive të përshpejtohet sërish. Në fund të fundit, shqetësimet e investitorëve nëse dy partitë e kongresit amerikan do të parandalojnë “bllokimin” në sektorin publik amerikan nuk janë zhdukur.

Dorina Kurtaj/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.