Bullgaria vendos taksë për gazin rus – Vendi, një nga rrugët e vetme për kalimin e tij në Europë

Bullgaria ka vendosur një taksë për gazin rus që dërgohet përmes territorit të saj në Bashkimin Europian. Rregullorja e re hyn në fuqi menjëherë dhe vendos një tarifë prej 10.76 dollarë për megavatorë, ose afërsisht 100 metra kub gaz natyror rus që tranzitohet përmes vendit.

Tarifa është rreth 20% e çmimit aktual të kontratave të së ardhmes së gazit në qendrën Title Transfer Facility në Holandë, standardi europian për këtë produkt.

Deri në vitin 2022, gjigandi rus i energjisë Gazprom ishte një nga furnizuesit kryesorë të gazit nga gazsjellësi në Bullgari. Megjithatë, pasi autoritetet lokale refuzuan të paguanin karburantin në rubla, eksportet direkte në vendin ballkanik u pezulluan.

Megjithëse Bullgaria nuk importon më gaz nga Rusia për përdorim të brendshëm, ajo mbeti një nga rrugët e pakta për dërgimin e tij në BE pasi flukset u reduktuan nga sanksionet e Moskës lidhur me Ukrainën dhe sabotimi i gazsjellësit Nord Stream. Afërsisht gjysma e gazit rus nga gazsjellësi i destinuar për në BE aktualisht kalon përmes Bullgarisë, duke hyrë përmes tubacionit TurkStream.

Ekspertët paralajmërojnë se taksa e re e Bullgarisë mund të kërcënojë furnizimet për një numër vendesh të Europës jugore, duke përfshirë Hungarinë dhe Serbinë, të cilat vazhdojnë të mbështeten te Rusia për shumicën e nevojave të tyre për gaz. Ministri i Jashtëm hungarez e quajti masën të papranueshme dhe shtoi se Hungaria dhe Serbia tashmë po ndërmarrin hapa për të siguruar që Bullgaria të mos mund të zbatojë ligjet për importet e veta të gazit.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.