Irlanda etiketon pijet alkoolike – Lajmërime për rreziqet që sjellin për shëndetin

Ligji i parë në botë për etiketimin e shëndetit për alkoolin është prezantuar në Irlandë. Siç u theksua, etiketat paralajmëruese do të jenë të barabarta me ato të cigareve dhe do të kenë indikacione për rreziqet e sëmundjeve të mëlçisë nga konsumimi i tepërt i alkoolit, por edhe rrezikun me të cilin përballen fetuset në konsumimin e mundshëm të pijeve nga gratë shtatzëna.

Irlanda mori “dritën jeshile” nga Komisioni Europian, në të njëjtën kohë që reagimet janë në rritje si brenda dhe jashtë vendit.

Legjislacioni përkatës u nënshkrua nga Ministri i Shëndetësisë i Irlandës, Stephen Donnelly dhe – siç u theksua – ekziston një periudhë mospenalizimi trevjeçare, në mënyrë që t’u jepet kohë bizneseve të përgatiten për ndryshimin.

Përveç etiketimit shëndetësor të produkteve alkoolike të shitura në Irlandë, informacione të ngjashme shëndetësore do të jenë të disponueshme për klientët në ambiente të licencuara. Ligji është krijuar për t’i dhënë konsumatorëve një ide më të mirë të përmbajtjes së alkoolit dhe rreziqeve shëndetësore që lidhen me konsumimin e tij.

Shefja e Shëndetit Publik, Mirëqenies dhe Strategjisë Kombëtare të Drogave tha se “të gjithë kanë të drejtë të informohen për rreziqet që lidhen me një produkt përpara se ta konsumojnë”.

Dorina Kurtaj / SCAN

 

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.