Itali, leje të paguara për të shmangur të nxehtin – Mënyrat se si mund të kërkohen në rast të temperaturave të larta

Temperaturat jashtëzakonisht të larta deri në 45 gradë celsius që pengojnë kryerjen e fazave të punës në vende që nuk mund të mbrohen nga dielli ose që përfshijnë përdorimin e materialeve; apo kryerjen e proceseve që nuk mund t’i rezistojnë nxehtësisë së fortë, mund të përbëjnë një mundësi për marrjen e lejes.

Kështu ka parashikuar që nga viti 2017 INPS – Instituti Kombëtar i Sigurimeve Shoqërore në Itali, sipas asaj që raportohet në manualin e Inail për punën në rast të temperaturave të larta. Sipas këtij manuali në rast të shfaqjes së rasteve të theksuara të tempertaurave mbi normalen, pra temperaturat e perceptuara mbi 35° mund të përbëjnë një ngjarje që i jep të drejtën trajtimit të integrimit të pagës, edhe nëse temperatura aktuale është më e ulët se vlera e sipërpërmendur.

INPS ka paralajmëruar se fenomenet ekstreme klimatike lidhen me rritjen e rrezikut të aksidenteve në punë dhe në vitin 2022 ka shfaqur tregues se cilët sektorë janë të përshtatshëm për leje të zakonshme nga puna në rast të temperaturave më të larta në 35 gradë. Shembuj të kësaj – thuhet aty – janë punimet e shtrimit të sipërfaqes së rrugës, punimet e rinovimit të fasadave dhe çatisë së ndërtesave, puna në natyrë që kërkon veshje mbrojtëse, por edhe të gjitha fazat e punës që në përgjithësi zhvillohen në vende që nuk mund të jenë të mbrojtura nga dielli ose që përfshijnë përdorimin e materialeve apo kryerjen e proceseve që nuk mund t’i rezistojnë nxehtësisë së fortë.

Sipas rregullave fondi i zakonshëm rezervë mund të aktivizohet në të gjitha rastet kur drejtuesi i sigurisë i kompanisë urdhëron pezullimin e punës për shkak se beson se ka rreziqe ose rreziqe për sigurinë dhe shëndetin e punëtorët, përfshirë rastet në të cilat pezullimet janë për shkak të temperaturave të larta.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.