Kamionët serbë bëjnë bllokadë në kufirin me Kosovën!

Javën e kaluar, Prishtina njoftoi se po bllokonte kamionët me targa serbe që të hynin në Kosovë për atë që e përshkroi si një arrestim të rremë të tre policëve kosovarë nga autoritetet serbe.

Kamionistët nga Kosova që nuk mund të hyjnë në Serbi po protestojnë duke bllokuar kufirin, duke shpresuar se kjo do të përshpejtojë vendimin e Prishtinës për anulimin e masës që ndalon kalimin e kamionëve me mallra serbe dhe kamionëve me targa serbe.

Nga Kraljeva deri në vendkalimin Jarinje, ka gjithsej 700 kamionë me mallra që presin të kalojnë në krahinën jugore.

Kosova është një territor i populluar kryesisht nga shqiptarët etnik që më parë ka qenë provincë e Serbisë. Ajo shpalli pavarësinë në vitin 2008.

Serbia ka refuzuar të njohë shtetësinë e Kosovës dhe ende e konsideron atë pjesë të Serbisë, edhe pse nuk ka asnjë kontroll formal atje.

Pavarësia e Kosovës është njohur nga rreth 100 vende, përfshirë Shtetet e Bashkuara. Rusia, Kina. Dhe pesë vende të BE-së, shumica prej tyre me rajonet e tyre separatiste, kanë mbajtur anën e Serbisë.

Bllokimi i ka mbajtur tensionet të ziejnë dhe ka penguar stabilizimin e plotë të rajonit të Ballkanit pas luftërave të përgjakshme në vitet 1990.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.