Nis ndërtimi i tunelit më të gjatë nënujor në botë – Funksional në vitin 2029, do të lidhë Danimarkën me Gjermaninë

Ka nisur ndërtimi i tunelit më të madh nënujor në botë, i cili do të lidhë Danimarkën me Gjermaninë nga viti 2029. I ashtuquajturi tuneli ‘Fehmarnbelt’ do të jetë 18 kilometra i gjatë dhe do të shkurtojë udhëtimin mes dy vendeve me 130 km.

Kalimi do të përbëhet nga pjesë të tunelit që do të zhyten në Detin Baltik, domethënë nuk do të ketë shpime nën shtratin e detit. Lidhja mes ishullit gjerman Fehmarn dhe ishullit danez Loland do të jetë tuneli më i gjatë i kombinuar rrugor dhe hekurudhor në botë.

Këta dy ishuj aktualisht lidhen me anë të udhëtimeve me traget ose bypass. Kur të përfundojë tuneli, udhëtimi me tren nga Kopenhagen në Hamburg do të zgjasë dy orë e gjysmë, në vend të katër orëve e gjysmë të tanishëm.

Kalimi i tunelit do të zgjasë 7 minuta me tren dhe 10 minuta me makinë. Për ndërtimin e tij nevojiten rreth 3 mijë ndërsa buxheti është rreth 7 miliardë euro. Punimet përgatitore nisën në vitin 2020 nga pala daneze dhe në vitin 2021 nga pala gjermane. Kohët e fundit ka filluar pastrimi i kanalit.

Ndërtimi aktual i tunelit do të fillojë këtë vit. Pjesë të tunelit kërkojnë një sasi çeliku që korrespondon me sasinë e nevojshme për të ndërtuar pesëdhjetë Kulla Eiffel. Tuneli duhet të përfundojë në vitin 2029.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.