Kina parashikon rritje ekonomike 5% në 2023 – 7.2% më shumë shpenzime për sektorin e mbrojtjes

Është një objektiv modest rritjeje ekonomike për ambiciet e Kinës ai i prezantuar në kongresin kombëtar të popullit: ekonomia do të rritet me rreth 5%, sipas kryeministrit Li Keqiang. Ky është parashikimi më i ulët prej më shumë se 20 vitesh për PBB-në e Republikës popullore. Një sinjal kujdesi pasi situatës shokuese të 2022-shit, kur për herë të parë partia shtet dështoi në planet e saj për një rritje prej 5.5%. Në këtë periudhë Kina, e bllokuar mes kufizimeve si pasojë e politikës Covid zëeë dhe krizave të tjera të sistemir të saj – nga sektori ipasurive të paluajtshme e deri tek industria teknologjike – ndaloi në 3%.

Kryeministri kinez u shpreh se ky vit është shumë i rëndësishëm për stabilizimin e ekonomisë së vendit, duke pranuar njëkohësisht vështirësitë e paprecedenta me të cilat u përballën sipërmarrjet e mëdha dhe të vogla një vit më parë. Mes treguesve të tjerë ekonomikë që renditi në fjalimin e tij prej 60 minutash ishin dhe deficiti i buxhetit deri në 3% të PBB-së, ruajtja e inflacionit në nivelin prej 3%, krijimin e 12 milion vendeve të reja të punës në vitin 2023 për të ndaluar papunësinë në nivelin 5.5% në zonat urbane. Sipas tij Kina ka nevojë të simulojë konsumin e brendshëm; të kontrollojë rrezikun e borxhit në sektorin e pasurive të paluajtsme si dhe të zgjerojë qasjen në tregun e saj për investimet e huaja.

Ekonomistët perëndimore mendojnë se objektivi i vendosur prej 5% është i arsyeshëm pasi nuk është shumë ambicioz, si dhe krijon hapësira manovre për refromat strukturore dhe kufizimin e borxhit.

Ajo kineze është ekonomia e dytë në botë për shifra absolute dhe të shtosh 5% në 18 miliard dollarët e PBB-së të vitit 2022 nënkupton pak a shumë krijimin e pasurisë të një vendi se Holanda, që vlen rretj 990 miliard dollarë. Në të njëjtën kohë kryeministri i Kinës deklaroi se forcat e armatosura kineze duhet të intensifikojnë trajnimin dhe të jenë gati për luftë në mbrojtje të sovranitetit kombëtar.

Për këtë arsye buzheti i shpenzimeve për mbrojtjen këtë vit do të rritet me 7.2% duke arritur në rreth 220 miliard dollarë; një shifër kjo sa 1/3 e shpenzuar nga Shtetet e Bashkuara të Amerikës. Sipas të dhënave zyrtare më të fundit janë rreth 600 milion kinezë të cilët jetojnë me 140 euro në muaj.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.