Korfuzi nis evakuimin pasi zjarret përfshijnë Greqinë!

Korfuzi dhe Evia janë bërë ishujt më të fundit grekë që kanë urdhëruar evakuime, pasi zjarret e egër kanë përfshirë vendin.

Të dielën, njerëzve në zonat e Korfuzit, Santa, Megoula, Porta, Palia, Perithia dhe Sinies iu tha të largoheshin, me anije dërguese në vendngjarje.

Deri më tani, gati 2,500 janë evakuuar, tha një zëdhënës i shërbimit zjarrfikës të hënën.

Pjesë të Evias, jashtë bregut lindor të Greqisë qendrore, u evakuuan gjithashtu, me nxehtësinë e madhe që nuk tregonte shenja të rënies.

Avionët dhe helikopterët zjarrfikës kanë punuar pa u lodhur për të shuar flakët, të mbështetur nga ekipe nga e gjithë Europa.

Zjarri më i rëndë ishte në ishullin Rodos, i cili u dogj për të gjashtën ditë të dielën.

Rreth 19,000 tashmë janë detyruar të largohen nga disa vende në ishull, thanë autoritetet greke.

Ministria e Ndryshimeve Klimatike dhe Mbrojtjes Civile tha se ishte “evakuimi më i madh nga një zjarr në vend”.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.