26 Korriku afati i fundit i kuponave të “Aleat” për karta ID ose pasaporta biometrike – Nga 1 Gushti shërbimi ofrohet nga shoqëria shtetërore “IdentiTek”
Nëpërmjet një njoftimi të publikuar në faqen zyrtare, Ministria e Brendshme ka njoftuar mbi përfundimin e kontratës koncesionare të prodhimit të dokumenteve biometrike me datë 31 Korrik 2023.
Prej 1 Gushtit 2023, e në vijim, shërbimi do të ofrohet pa ndërprerje për qytetarët nga shoqëria shtetërore “IdentiTek”, njofton MB.
Ministria e Brendshme & “ALEAT” informojnë qytetarët se afati i fundit i aplikimit për ID karta ose pasaporta biometrike, përmes kuponëve të “Aleat” është data 26 Korrik 2023.
Nga data 1 gusht, aplikimet do të vijojnë me kuponët e rinj të kompanisë shtetërore “IdentiTek”, të cilat do të gjenden në të gjitha zyrat e Postës Shqiptare.
Ministria e Brendshme dhe “IdentiTek” janë të angazhuara të garantojnë standardin e dokumenteve të prodhuara dhe vijimin e procesit të pajisjes së qytetarëve me ID karta e pasaporta biometrike pa ndërprerje, në të njëjtat zyra si brenda apo jashtë vendit.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.