Lejet e ndërtimit, ndryshime në ligjin e territorit – Muçaj: Synohet derregullimi. Gështenja: KKT merr në dorë shumë kompetenca
Komisioni i Veprimtarive Prodhuese ka miratuar në parim ndryshimet në ligjin “Për planifikimin dhe zhvillimin e territorit”, teksa mbledhja u shoqërua me diskutime mbi kompetencat e shtuara që do të marrë Këshilli Kombëtar i Territorit, në drejtim të lejeve të ndërtimit dhe zhvillimit të territorit, duke përfshirë dhe burimet ujore.
Ndërkaq, deputetët e maxhorancës sugjeruan ndryshime në drejtim të lejeve të ndërtimit në fshat, të cilat do të diskutohen gjatë shqyrtimit të projektligjit nen për nen.
Zv. ministrja e Infrastrukturës dhe Energjisë Enkelejda Muçaj tha se ndryshimet synojnë derregullimin dhe mirëmenaxhimin e burimeve ujore, duke shkurtuar kohën e marrjes së lejes së ndërtimit.
Ndërkohë, sipas deputetëve të opozitës ndryshimet bien ndesh me autonominë vendore dhe kompetencat që kanë bashkitë në drejtim të administrimit të territorit.
Ola Mitre / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.