Markat e mëdha mbështesin padashur përmbajtjen e padëshiruar të gjeneruar nga IA në internet me reklamat e tyre!

Interneti nuk është i mbushur vetëm me përmbajtje të cilësisë së ulët, por edhe me përmbajtje mashtruese, dezinformata ose krejtësisht të rreme. Disponueshmëria e mjeteve gjeneruese të inteligjencës artificiale (IA) si ChatGPT i OpenAI dhe Bard i Google, ndërkohë ka nënkuptuar që lajmet dhe njohuritë e krijuara nga IA i janë shtuar kësaj valë të baticës së përmbajtjes gjatë vitit të kaluar.

Analiza e re nga NewsGuard, një kompani që cakton vlerësimet e besimit për mediat online, ka zbuluar se përhapja e kësaj përmbajtjeje me cilësi të ulët, të krijuar nga IA, mbështetet financiarisht nga buxhetet e reklamave të markave të mëdha botërore, duke përfshirë gjigantët e teknologjisë dhe bankat.

Reklamat duket se janë krijuar në mënyrë programore, kështu që markat mund të mos zgjedhin të reklamojnë në faqet e internetit që NewsGuard i quan “faqe të pabesueshme të lajmeve dhe informacioneve të krijuara nga IA (UAIN).”

Sipas NewsGuard, shumica e reklamave vendosen nga Google dhe ato nuk mbrojnë sigurinë e markës së kompanive – sepse shumë kompani legjitime nuk duan të shihen si reklama në faqet që mbajnë lajme të rreme, dezinformata ose thjesht informacione të dobëta pa përmbajtje cilësore.

NewsGuard, i cili pretendon se ofron “mjete transparente për të luftuar dezinformimin në emër të lexuesve, markave dhe demokracive”, i përkufizon UAIN-të si faqe interneti që funksionojnë me pak ose aspak mbikëqyrje njerëzore dhe publikojnë histori që janë shkruar kryesisht ose tërësisht nga robotët.

Analistët e tyre shtuan 217 sajte në gjurmuesin e saj të faqeve UAIN, shumë prej të cilave duket se financohen tërësisht nga reklamat programatike. Në hulumtimin e tyre të fundit, të kryer në maj dhe qershor të këtij viti, analistët gjetën 393 reklama programatike nga 141 marka kryesore që u shfaqën në 55 nga 217 faqet UAIN.

Analistët kërkuan vende në Shtetet e Bashkuara, Gjermani, Francë dhe Itali. Të gjitha reklamat e identifikuara u shfaqën në faqet që përmbajnë mesazhe gabimi të krijuara nga chatbots IA, të cilat thoshin gjëra të tilla si: “Më falni, si një model i gjuhës së IA, nuk jam në gjendje të qasem vetë, madje edhe në lidhje të jashtme ose faqe interneti”.

Mbi 90% e këtyre reklamave u shërbyen nga Google Ads, një platformë që gjeneron miliarda të ardhura për Google çdo vit.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.