Mijëra fermerë protestojnë në Madrid kundër politikave të BE-së!

Qindra fermerë lëvizën me traktorët e tyre në qendër të Madridit si pjesë e protestave të vazhdueshme kundër politikave bujqësore të Bashkimit Europian dhe për të kërkuar masa për të lehtësuar rritjen e kostos së prodhimit.

Protesta, më e madhja që do të zhvillohet në kryeqytetin spanjoll pas më shumë se dy javësh protesta të përditshme në të gjithë vendin, do të përfshijë një tubim jashtë selisë së Ministrisë së Bujqësisë.

Shumë nga traktorët mbanin flamuj spanjollë dhe disa fermerë mbanin pankarta ku shkruhej: “Nuk ka jetë pa bujqësi” dhe “Fermerët në zhdukje”.

Grupi organizativ i Unionit të Sindikatave tha se po sillnin 500 traktorë dhe shumë fermerë të tjerë me autobusë. Shumë prej traktorëve mund të duhet të qëndrojnë jashtë qytetit për shkak të kufizimeve të qeverisë.

Protesta të ngjashme janë zhvilluar në të gjithë BE-në javët e fundit. Fermerët në shumë vende ankohen se politikat e bllokut për mjedisin dhe çështje të tjera imponojnë një barrë të rëndë financiare dhe i bëjnë produktet e tyre më të shtrenjta se importet jashtë BE-së.

Përveç politikave të BE-së, fermerët spanjollë pretendojnë se një ligj që synon të garantojë që blerësit e mëdhenj të supermarketeve me shumicë të paguajnë çmime të drejta për mallrat e tyre nuk po zbatohet ndërkohë që çmimet e konsumit rriten.

Si Spanja ashtu edhe Komisioni Europian, krahu ekzekutiv i BE-së, kanë bërë disa lëshime javët e fundit, por fermerët thonë se ato janë të pamjaftueshme.

​Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.