Ndryshimi i kontratave të tenderëve – APP, autoriteteve: Vetëm sipas ligjit. Në 2022 u modifikuan 5% e totalit, ndryshime edhe në vlerë

Agjencia e Prokurimit Publik iu kërkon institucioneve shtetërore të kryejnë modifikime të kontratave të tenderëve gjatë kohëzgjatjes së tyre, vetëm sipas legjislacionit në fuqi. Përmes një rekomandimi që ka si qëllim mirëzbatimitn e kuadrit ligjor për prokurimin publik, APP sjell në vëmendje se modifikimi i kontratave apo marrëveshjeve kuadër gjatë kohëzgjatjes s ëtyre, bëhet vetëm në rastet e parashikuara në ligj, kur autoriteti ose enti kontraktor mund të argumentojë se ndodhet në njërin nga rastet e përcaktuara në nenin përkatës. Modifikimet mund të përfshijë disa elementë, duke nisur që nga afati i përfundimit e deri te rritja e vlerës së kontratës, që normalisht ndikon drejtpërdrejt në financat publike.

Ndërkaq, në rekomandimin e funsit APP sjell në vëmendje gjithashtu se autoritetet kontraktore kanë detyrim që të njofojnë çdo ndryshim të kryer, brenda 10 ditëve nga data në të cilën ka përfunduar modifikimi i kontratës apo marrëveshjes kaudër fillesatre.  Po ashtu, APP thekson se në çdo rast arsyet dhe argumentimet për modifikimin duhet të dokumentohen nga institucioni, para kryerjes së modifikimit dhe të bëhen pjesë e dosjes së zbatimit të kontratës.

Sipas të dhënave zyrtare, gjatë vitit 2022, rezulton se numri i kontratave të modifikuara është 198, që përbëjnë rreth 4.96% të kontratave të lidhura për këtë vit. Po ashtu, rezulton se për 9 kontrata, autoritetet kontraktore kanë bërë modifikim të çmimit të kontratës, ku në një rast modifikimi ka ardhur si pasojë e rritjes së indeksit të inflacionit, dhe 8 modifikimet e tjera kanë ardhur si pasojë e ndryshimit të pagës minimale dhe çmimit të karburantit, që ndikonte kushtet e kontratës.

Ola Mitre / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.