Nevoja për një strategji industriale europiane – 1.6 milionë vende të reja pune do të krijohen deri në vitin 2035

Marrëveshja e Gjelbër e Bashkimit Europian ka filluar të modernizojë ekonominë dhe shoqërinë europiane. Ajo vendosi një shpejtësi dhe shkallë të paprecedentë për kalimin në emetimet “neto zero” deri në vitin 2050 dhe siguroi zgjidhjen për krizat e tjera, përkatësisht rimëkëmbjen nga pandemia dhe reduktimin e varësisë nga gazi, nafta dhe qymyri rus. Megjithatë, projekti nuk ka përfunduar.

Faza tjetër e Marrëveshjes së Gjelbër ka nevojë për një përmirësim në ambicie dhe shtrirje. Një raport i ri nga Perspektivat Strategjike tregon se qëllimi i reduktimit të emetimeve me 90% deri në vitin 2040 mund të shndërrohet në një opsion strategjik për modernizimin e industrisë së ardhshme të Eropës, forcimin e sigurisë së energjisë dhe rivendosjen e konkurrencës. Në veçanti, Bashkimi Europian do të përfitojë duke u fokusuar në promovimin e prosperitetit, krijimin e vendeve të mira të punës dhe mbështetjen e industrisë për të hequr qafe ndotësit, gjë që kërkon një strategji të re industriale.

Kjo strategji për Europën do të ketë potencialin për të përshpejtuar tranzicionin në aspektin e teknologjisë, industrisë, financave dhe aftësive të punëtorëve të saj. Formulimi i kësaj politike do të jetë në gjendje të menaxhojë edhe rrezikun e dyfishtë të BE-së, pra humbjen e terrenit ndaj forcave konkurruese jashtë vendit dhe lënien pas disa prej rajoneve të saj, duke e bërë tranzicionin me dy shpejtësi.

Në lindje, Kina kontrollon 60% të zinxhirit të furnizimit në teknologjitë me emetim zero, përkatësisht panelet diellore dhe bateritë. Fakti që nuk ka një zinxhir të ngjashëm në Kontinentin e Vjetër është i barabartë me humbje në fushën e punësimit, në të njëjtën kohë që i pari varet nga furnizimi kinez me teknologji. Anasjelltas, SHBA po udhëheq rrugën në inovacionin me zero emetime, duke planifikuar të rrisë dhjetëfish kapacitetin e prodhimit të automjeteve elektrike falë financimit më të mirë dhe më të shpejtë ndërkombëtarisht përmes legjislacionit kundër inflacionit.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.