Nis procesi i targimit dhe regjistrimit të mjeteve bujqësore në vend

Të gjithë fermerët në vend do të përfitojnë regjistrimin e mjeteve bujqësore, pa shpenzime. Kjo u bë e ditur gjatë vizitës në Divjakë të zëvëndëskryeministres dhe ministres së Infrastrukturës Belinda Balluku që shoqërohej nga kreu i DPSHTRR-së Blendi Gonxhe, deputeti Erjon Braçe dhe kryebashkiaku i ri Josif Gorrea.

Gjatë vizitës, Balluku evidentoi se procesi është i vështirë për faktin se disa prej mjeteve janë shumë të vjetra dhe nuk kanë dokumentacionin e duhur megjithatë në përfundim të tij kjo do të jetë një ndihmë tjetër që u jepet fermerëve sepse u jep vlerë aseteve të tyre.

Ndërkohë, kreu i DPSHTRR-së Blendi Gonxhe evidentoi se përveç procesit që do të jetë pa shpenzime për fermerët, me shpenzime shumë të vogla do të asistohen edhe në vijim për kontrollin teknik. Ndërsa deputeti Erjon Braçe përgëzoi nismën e re, evidentoi edhe një serë politikash të tjera si përjashtimi nga Tvsh-së, që kanë kontribuar për modernizimin e flotës bujqësore në vend.

SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.