Orikum-Dukat, gati për sezonin turistik – Balluku: Do të hapet për qarkullimin e automjeteve, punimet mbyllen përpara afatit

Aksi rrugor Orikum – Dukat do të hapet për qarkullimin e automjeteve gjatë sezonit turistik, ndërkohë që punimet do të mbyllen tërësisht në muajin shtator. Gjatë inspektimit të punimeve, ministrja e Infrastrukturës dhe Energjisë Belinda Balluku tha se pavarëisht problemeve të hapura me shpronësimet në zonë, aksi do të dorëzohet përpara afateve kontraktuale.

Sipas Ballukut, hapja e këtij segmenti ndihmon në zhvillimin turistik të zonës.

Kjo rrugë po ndërtohet përmes një partneriteti public – privat, ndërsa kosto e kontarës arrin në  rreth 67.4 mln euro. Gjatësinë totale e saj është 14.7 km, ndërsa bën lidhjen me tunelin e Llogarasë, që parashikohet të përufndojë në qershor të vitit 2024.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.