Pasojat politike të Nord Stream 2 në Gjermani – Fondacioni i financuar nga Moska drejtohet nga politikanët vendorë

Vazhdojnë ende në Gjermani  hetimet për sabotimin e gazsjellësve Nord Stream 1 dhe Nord Stream 2 verën e kaluar.

Goditjet e marra nga dy tubacionet anuluan përfundimisht lidhjen energjetike të Gjermanisë me Rusinë përmes Detit Baltik. Në veçanti, Nord Stream 2 përfundoi pak para fillimit të luftës së Rusisë në Ukrainë, por për shkak të sulmit rus, ai nuk u vu kurrë në funksion. Por pasojat e kësaj situate tashmë kërcënojnë mbështetjen ndaj qeverisë sidomos në rajonin Mecklenburg – Pomerania ku dhe ka përfunduar ndërtimi i tubacionit.

Në thelb të skandalit është një fondacion i lidhur me Nord Stream 2 që u krijua me para nga Gazprom i Rusisë në fillim të vitit 2021. Ky fondacion kishte dy synime: Nga njëra anë, të përfundonte gazsjellësin Nord Stream 2 pavarësisht sanksioneve të paralajmëruara nga qeveria amerikane, e cila që në fillim ka dashur ta anulojë projektin.

Nga ana tjetër, të promovojë masat dhe veprimet për mbrojtjen e klimës përmes një seksioni jofitimprurës të fondacionit. Fondacioni kryesohet nga ish-kryeministri i shtetit lokal Ervin Schellering, mbrojtësi politik i pasuesit të Schvesig, të dy të Partisë Social Demokratike SPD.

Me pushtimin rus të Ukrainës në shkurt 2022, Shvesig i kërkoi Schellering që të shpërndante institucionin sa më shpejt të ishte e mundur. Megjithatë, jo vetëm që institucioni vazhdon të ekzistojë, por çështja mori degëzime politike dhe kriminale. Shelering tha se do të japë dorëheqjen e menjëhershme por ai kërkon një “zgjidhje të pastër ligjërisht” në mënyrë që të mos ngarkohet më vonë me përgjegjësi personale dhe ngarkesa financiare.

Ndërkohë ka ende fatura të papaguara prej 12 milionë eurosh. Por edhe më i madh është problemi me 20 milionë euro nga grupi Gazprom që u caktua për mbrojtjen e klimës. Kryeministri Shvesig kërkon që ato të jepen si ndihmë humanitare për Ukrainën, por statuti nuk e lejon, ndërsa në mes është edhe Zyra e Tatimeve.

Me këtë rast po merret një komision i posaçëm hetimor i parlamentit vendor të shtetit. Një nga pyetjet është nëse ka pasur presion politik nga pushteti ndaj tatimeve për të goditur institucionin me taksa prapavepruese, në mënyrë që opsioni i vetëm të jetë shpërbërja e tij. Bëhet fjalë për taksimin e donacionit prej 20 milionë eurosh nga Gazprom. Por deri në prillin e kaluar 2022 donacioni nuk u tatua.

Fondacioni pretendon se ka dorëzuar deklaratën përkatëse tatimore, por ajo i ka humbur ministrisë përkatëse vendore të financave. Një punonjës i ministrisë dogji një dokument që vërtetonte dhurimin e Gazprom.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.